শোর হোন্দ্রবা য়ূম / Sor Hondraba Yum

পুন্সিদগি খরা লাপ্না পাৎয়ায়সিদা
অতপ্পা ইপোমদা নোম নোম হাইরিবা হোনবা লেপ্লবা হিদা ৷
নোংনা তারকপদা নঙ চোৎলোই,
লীক্লানা তারকপদা নঙ ঈঙলোই,
হিনা লাকপদা নঙদি কিরোই,
নঙগি শম্না নুংশীৎতা নোম্লসু লেঙলোই নঙদি ৷

থাউমৈ মঙালদা নঙনা লেঙদনা ফমদুনা লৈবদা
অচীকপনা শোর হোনবনি ৷

পাৎকি মথক্তা, অৱাংবা অতিয়াদা
য়ূম্লিংদবা উরোকশিংনা মরী মরী লমশাং পাইরি ৷
মপান্নাইদবসিদা কদায়দগি লাপথোক্লগা কদায়দা নকশিল্লিবা?
উরোকশিংসে মশা শগল তিংথোক্তুনা পাকপা শাংবা ওল্লিব্রা অতিয়াগি
লোইবা নাইদবা খোঙচৎতা চোকথরবগি, লোইনীংলবগি?
পাইবনা নতৌ ওইরবসু করিগুম্বদা লেঙদনা সুম লৈহন্নীংই
ইনাক্তা,
করিসু তানবা ঙমজদবা ইনাক্তা,
নঙনা চৎলসু তুমিন ময়াথোক্লবা ইনাক্তা ৷

Punsidagi khara lapna patyaisida
Atappa ipomda nom nom hairiba honba leplaba hida.
Nongna tarakpada nang chotloi,
Liklana tarakpada nang ingloi,
Hina lakpada nangdi kiroi,
Nanggi samna nungsitta nomlasu lengloi nangdi.

Thaomei mangalda nangna lengdana phamduna leibada
Achikpana sor honbani.

Patki mathakta, awangba atiyada
Yumlingdaba uroksingna mari mari lamsang pairi.
Mapannaidabasida kadaidagi lapthoklaga kadaida naksilliba?
Uroksingse masa sagal tingthoktuna pakpa sangba ollibra atiyagi
Loiba naidaba khongchatta choktharabagi, loininglabagi?
Paibana natou oirabasu karigumbada lengdana sum leihanningi
Inakta,
Karisu tanba ngamjadaba inakta,
Nangna chatlasu adum mayathokpa inakta.

ঙরাংগি থাবল খূজোক / Ngaranggi Thabal Khujok

অহিংগি অমম্বা চীংনুংদগি য়াঙনা থৌদোরক্লে
অয়ূক্কি মঙালদা,
অদুদগিদি নঙগি ফিজোল, নঙগি শম্লাং নুংশীৎতা ফ্র-ফ্র পাইরে
চৎলিবা মায়কৈগি তুংলোমদা মখূৎ থিন্দুনা ৷

হৌখ্রবা মতমনা নূঙগুম কনশিন্দুনা লৈ,
ঈনবা চত্তনা, হকপা চঙদনা,
ৱাখলগি মরেঙ মরেঙবা ঊনাশিংগি মরুমদা মশক হোংবগুমদি তৌরগা ৷
হৌখ্রবা মতম—কেনখিবা ঊনাদু কেনখ্রে,
য়েন্নীং অমগি ৱাখলনা খূদোল তমগদবা ঙায়রে উশাদা,
নঙনা ঐবু লাইজনা য়োম্বগুম য়োমখ্রবদি য়োমখ্রে নঙনা ঐবু,
অদুদগি অমুক নঙগি লাকফমদা হনখ্রবদি হনখ্রে—
হৌখ্রবদি অয়েকপা গ্রাফনি—অকা অকূম খূদীং নূংগি মনমগুম কল্লী ৷
লৈচিল নোংফাই ঈন ঈন্দুনা
উঙমদবা ঙৌরোক ঙৌবা তাইবঙসিদা থৌজিল্লী গারী—
করিশু লৈতবা, ফক্লাং খাদবা অহাঙবনা মীৎ খুমজিনবা মফম ৷
অদু চৎলিবা খোঙচৎ, নঙগি পাইরিবা শম্লাং,
নঙগি মনম, নঙগি শোন্থাংনবা ৱাহৈ, নঙগি শোর—
পূম্নমক অসি ঐনা উই করিনো খঙদ্রিবা লমথুংফম অদুদগি লেপতুনা
হৌখ্রবা মতমগি ৱারী ওইনা,
ইনাক্তা থাংজিনবা য়াদ্রবা ঙরাংগি থাবল খূজোক খূজোক্কুম ৷

খল্লুব্রনে নঙবু নুংশীৎশি নূঙ ওনখিনি
নূঙ ওনখিনি নঙগি মনমসে?
অদু খঙদি খঙদেদনা ঐখোয়
নুংশীৎনা পুখিবা ঐখোয়গি মফোলশিংনা কদায়দা কদায়দা পৈদুনা থম্লিবনো?
লৈতবা ওইবা য়াব্রনে মদুবো—হিংখিবা পুন্সিবো?
ঐনা খঙবদি অয়ূক্কি মঙালদা নঙ ঐ চৎলি
লৈচিল নোংফাই মরক হূত্তুনা, তুংশু মাঙশু উদনা ৷

Ahinggi amamba chingnungdagi yangna thoudorakle
Ayukki mangalda,
Adudagidi nanggi phijol, nanggi samlang nungsitta phra-phra paire
Chatliba maikeigi tunglomda makhut thinduna.

Houkhraba matamna nunggum kansinduna lei,
Inba chattana, hakpa changdana,
Wakhalgi mareng marengba unasinggi marumda masak hongbagumdi touraga.
Houkhraba matam—kenkhiba unadu kenkhre,
Yenning amagi wakhalna khudol tamgadaba ngaire usada,
Nangna eibu laijana yombagum yomkhradi yomkhre nangna eibu,
Adudagi amuk nanggi lakphamda hankhradi hankhre—
Houkhrabadi ayekpa graphni—aka akum khuding nunggi manamgum kalli.
Leichil nongphai in induna
Ungamda ngourok ngouba taibangsida thoujilli gari—
Karisu leitaba, phaklang khadaba ahangbana mit khumjinba mapham.
Nanggi manam, nanggi sonthangnaba wahei, nanggi sor—
Pumnama asi eina ui karino khangdriba lamthungpham adudagi leptuna
Houkhraba matamgi wari oina,
Inakta thangjinba yadraba ngaranggi thabal khujok khujokkum.

Khallubrane nangbu nungsitsi nung onkhini
Nung onkhini nanggi manamse?
Adu khangdi khangdedana eikhoi
Nungsitna pukhiba eikhoigi mapholsingna kadai kadaida peiduna thamlibano?
Leitaba oiba yabrane madubo–hingkhiba punsibo?
Eina khangbadi ayukki matalda nang ei chatli
Leichil nongphai marak huttuna, tungsu mangsu udana.

নীংশিংবনা খূনগৎপা ঙমদ্রবা ঊনাশিং

নঙবু কদায়দা থম্বগেনে—
খনবা হৌরুরবা অদুগা অদুম লেপথোকখ্রবা ৱাখল,
ইবা হৌরুরবা অদুগা লোইশিনখিদ্রবা চিথী,
শকপা হৌরুরবা অদুগা অচিকপনা চূপশিনখ্রবা ঈশৈ,
ফাইরেলগি নুংশীৎতা থমোইদগি লীৎথোকখিবা তেলঙ্গা মমৈ
মশানা শিংলী নাউরীগি মশা মরেংদা পন্দুনা লৈহৌবা,
থায়না শীজিন্নখিবা, শাবা লেপখ্রবা শাপোনগি মনম,
পীক্লিঙৈ মীত্তা নক্না পুশিন্দুনা ঙক্না য়েংখিবা চরাংগি মমীৎ?

নুংশীৎনা নঙ ঐগি মরক্তা শীৎখি
অদুদগিদি হুমখ্রে অদুম
নঙগি শম্লাং, ঐগি শম্লাং
তাম্নবা মফমশিংদা, মনম মান্নদবা মোনশিংগি মথক্তা
মরী থোক্নদবা মঙ মঙলুনবা
মান্নদনা মম্বা কাশিংদা ৷
তুম্বা খংহৌ হৌগৎলি করিগুম্বদা
য়ূমথক্তা খংহো হোরকপা মখুল মচা অমদগি
লীৎশিল্লকপা থায়নগি অশোনবা মঙালনা মীৎতা থেংলবদা—
হিংদনা থনম্লবা পুনসি, চীম্বাল লেঙলুরগা তুমিন অদুম লৈখ্রবা ৱাহৈ;
অমম্বদগিদি অশোনবা মঙালসু উইদনা
তাইদনা অপীকপা খোঞ্জেলসু অচীকপদগিদি—
অদৈ অমুক তূমথৈ অকংবা ঊনানা অহোবদা কেনশিল্লকলবদা ৷
মচু খঙদবা ঊনা, ওইনীংবা মচু ওইবা য়াবা ঊনা৷

নীংশিংবনা খূনগৎপা ঙমদ্রবা ঊনাশিং
নুংশীৎনা কোয়পু পুরি
পূম্নমক কাউরগা অথাপ্পদা পূক্নীং থম্বা লম্বী চৎপশিংগি মরক্তা
অথাবা ফীজোলনা পূংয়োম য়োম্লগা অথাপ্পগি ৱাখল তৌদুনা
তাইবঙদা পূক্নীং চঙদনা
মঙগুম নিংথমগি চা তপ্না তপ্না চিংলিবশিংগি মরক্তা ৷

[Potsingsi thampham hekta leiramde mameida. Matam kharagi hektamak oirammi. Hingli hinglingei mitkupsida, unaringei mitkupsida sum nungsinahouba! Adeidi kaokhrasu, mangkhrasu … Adum mangkhigadaba leirabanidana! Ningsingnaba pukning aduphaoba mangkhidoinidana. Ningshingpham oiriba brain, masisu ikui kuidana sum kaitharakladoinidana. Adudi ningsingbadi kadaidagi leiruni! Thoudok thokminnakhiba misinggi maphamdaphaoba kaidongpham leitraba thoudoksing, madugi ningsingbidraba ningsingbana sum nungsitkum sittunadi leihougani! Leitabaga khennaba leitana.]

Nangbu kadaida thambagene—
Khanba houruraba aduga adum lepthokkhraba wakhal,
Iba houruraba aduga loisinkhidraba chithi,
Sakpa houruraba aduga achikpana chupsinkhraba isei,
Phairelgi nungsitta thamoidagi litthokkhiba telangga mamei
Masana singli naorigi masa marengda panduna leihouba,
Thaina sijinnakhiba, saba lepkhraba sapongi manam,
Piklingei mitta nakna pusinduna ngakna yengkhiba charanggi mamit?
Nungsitna nang eigi marakta sitkhi
Adudagidi humkhre adum
Nanggi samlang, eigi samlang
Tamnaba maphamsingda, manam mannadaba monsinggi mathakta
Mari thoknadaba mang manglunaba
Mannadana mamba kasingda.
Tumba khanghou hougatli karigumbada
Yumthakta khangho horakpa makhul macha amadagi
Litsillakpa thainagi asonba mangalna mitta thenglabada—
Hingdana thanamlaba punsi, chimbal lengluraga tumin adum leikhraba wahei;
Amambadagidi asonba mangalsu uidana
Taidana apikpa khonjelsu achikpadagidi—
Adei amuk tumthei akangba unana ahobada kensillaklabada.
Machu khangdaba una, oiningba machu oiba yaba una.

Ningsingbana khungatpa ngamdraba unasing
Nungsitna koipu puri
Pumnamak kaoraga athappada pukning thamba lambi chatpasinggi marakta
Athaba phijolna pungyom yomlaga athappagi wakhal touduna
Taibangda pukning changdana
Manggum ningthamgi cha tapna tapna chinglibasinggi marakta.

Watercolor Night

Silent
Smudged watercolor world.

After mosses have gathered on my roof
I put on my glasses
and hearing aids,
and walk down the streets the night,
twist and turn in alleys like entangled yarn
the curly windy way with nowhere to reach.

I meet unhappy teenagers struggling to be happy
or given up to the wind,
a frazzled woman worn out by the day,
a woman in the early stages of dementia,
a young man feeding a fire by the empty road,
the moans of a young couple who have sex so much
they don’t notice the dismal rain.

The night is still like a watercolor painting—
the wet roads, the blurred reflections of lights,
the fumes in the yellow light up from the tar left by the warm day,
a street dog or two arrested by indecision in the middle of the road,
an empty oil and gas station with cars meditating in the shades,
strange vein-like alleys off the grey street
flowing into black worlds with bright windows staring into the darkness
while the young couple keep moaning
in the cold night frozen but for the rain.

My glasses are drenched.
Gushing drains murmur in the dark.

11/12 January, 2021

অহিংগি মচু খরা অয়ূক্কি মচি মচিদা

মীৎশেন খাঙনা খাঙনা
অহিংগি অমম্বা হোন্দুনা পুখি
মচীৎ মচীৎ
ঊচিনা ফৌ হোনবগুম,
হোনখি খঙদনা
মীৎ পাঙনা পাঙনা তূম্লুবগুম
নত্রগা ঐবু থনম্লগা মাঙলুবগুম কদায়নো অমদা ঐনা
অহিং মীৎশেন খাঙলিঙৈ।
অহিংনা কল্লম্বা মফমদা অয়ূক্না ওইশিল্লরবদা
থায়নগি য়ূমগি অনৌবা য়ূম্বুগুম
উই অহিংগি মচু খরা তৈহৌবা
মচি মচিদা অয়ূক্কি
অরাপ্পদগি
শোরারেন্দগি পুরকপা অরোনবা পাউ
লৈমায়দা পাবা থোক্তনা হৈদোক্লিবা
নোংগি অশাংবা মরী মরক্তা।

খুলগি মীশিংনা হায়নৈ
তাইবঙ কৌবা খুলসে তম্নৈ–
হৌখ্রবা মতমগি য়ূম্বুশিংনা তাল্লৈ অমুক
অনৌবা য়ূম্বুশিংদগি
মখোয়গি মুনবীখ্রবা তূম্ফম
মখোয়গি মুনবীখ্রবা নুংশিনফম
মখোয়না অঙাং ওইরকফম …

হনুবা লেপ্পী তেবল চৌক্রি মনাক্তা
পূক্নীং চঙদ চিংদুনা চা তপ্না
নোংজুগি মনিল কাবা অঈংবদা,
পূক্নীংনা কদায়দনো চৎখ্রবদা মীৎয়েংনা ইশাম শামহৌনা।

মতমনা পৈ মরোল মরোল
লৌরদ্রবা অশিবা হকচাংশিংনা
লোন্নদুনা শেম্বগুম অকংবা মপৈ
লায়েংশঙগি মনম নুংশিবা কাদা।

26 May 2018

লম্বীশিং, মফমশিং

লম্বীগি লম্বীমক্তা, পুন্সিদগি হেন্না শাংবা লম্বী৷
য়াওব্রনে ঐনা চৎপা য়াদববু?
লৈব্রনে ঐনা থুংলুবা য়ারোইদবা মফম,
লম্বীশিংনা ইমাঙদদি তিংথোক্লগা?

মঙদরা নত্রগা হাদরা ঐনা মফম অমা উখিবগুম তৌই, উখিদ্রসু,
থৌই মদুনা লম্বী খঙদবা দ্রাইবরগুম ঐবু,
ঐনদি খঙলোই খোঙ থাংফম—ওয়না কদায়দা, য়েৎনা কদোমদা?
নঙসুনিদনা অসিগুম্বা মফম অমা, উখিবগুম করিগুম?
মাসু৷
ঐখোয়না খঙদবা মীশিংসু৷
লম্বীসু লম্বীগি লম্বীমক্তনিদনা, কদাই কদাইদা তারিবনো খঙদবা৷
পুন্সিদগি হেন্না শাংবা লম্বীমক্তা৷ পুন্সিনা মনিল ওনখ্রগা তিংথোক্তুনা লৈহৌগদবা লম্বীমক্তা৷
চৎনবনিসু খঙদে, মশাগি লৈজবনিসু খঙদে ’সুম৷

মরূপ ওইবদি পাম্বা ঙাক্তা৷ খোঙলোই৷
নঙনা নুংশিবীদ্রসু নঙগি পূক্নীংবু ফারগা ঐগি পূক্নীংদা পুনশিন্নীংবা৷
শাউনীংগনিদো নঙনদি, অমুক্তং ফংজবা মপোক্কি নচিং পূম্বা ফূদোক্তুনা৷
শাউগনিদো ঐসু য়াদ্রগা নঙনা৷
নাইতোম তাবসে অসুক্কিমতীক কিজবা৷
নঙনা চৎমিন্নসি য়াদ্রসু ফারগা পুনীংবা৷
মপান্নাইদবসিদা, কদাইদগি থাপতোক্লগা কদাইদা নকশিল্লিবনো খঙদবসিদা৷
চত্তবদি য়াদব্রসু খঙদবা লমহাঙসিদা৷
ইশাগি খোঙ য়েৎ ওয়মক মায়কৈ তিন্নদ্রবসিদা
ঐখোয়না নুংশিবসু কিবসু নম্বো অমুক পোশিল্লিবা৷

খঙগদ্রনে ঐবু য়ৌরে হায়বা ঐনা চৎলিবা মফমদু য়ৌবদা?
অমুক্ত চৎলুবসু নৎত্রি৷ মসিনি করম্না খঙদৌরিনো?
উনখিদ্রবা নুংশিবগুম উরগা খঙগদ্রনে, অতোপ্পদা থমোই লানশিল্লুবা নত্তনা?

লৈব্রনে ঐনা চৎপা য়াদবা লম্বী,
ঐনা থুংলুবা য়াদবা মফম, ঐনা খোয়দাগনিদি খঙজদ্রিবা?
শকখ্রবা ঈশৈ ঙংবদি নত্তেদনা হিংবসে।

My House a Few Steps from Life

The rain paints the city on the windswept street
where leaves from forgotten places
desperately scoop up memories fading out into the past,
those memories I once tore off my hair to get rid of,
things that turn out what I am made of.
How far can you get away from life?
You just stretch it only like a bodycon.

From a distance, life is silent like an unread poem,
all its noise a frozen tale trapped in a magic ball.

The wind says nothing—it just blows the dust
off the dusty park bench I wake up on
to bring forgotten dust from other parts of the city.
You see there is a time in life that wombs you
so perfectly with nothing beyond it that
the keys on the piano repeat on the few same notes
and nothing crosses the landscape
to become a memory, and you—
a beautiful, sad painting in tawny sunset.

It all turns golden at sunset before it’s all dark.

 

হিংবা লোইরগা

ঈশিং ঈরীকশিংনা ঈন্ন ঈন্নদুনা চেন্থখি,
হোস্পিতাল ত্রোলিদা ঈনবা অনাবগুম  ৷
কনানা ঈনবনো পুবনো?

মহৌশাদি অহাঙবসি পামদবা মাল্লী—
করিগুম্বা অনীগি মরক্তা ঈনশিল্লকই করিগুম্বা অরুবা অমা হেক্তা
পল খাদবা ফক্লাং
ফাওদোক ফাওজিন য়াদবা
মঙাল ফাওনা চত্তবা—
মতম
মখল৷

তুরেলগি পাউখুম ঐ মরোল খঙদে—
ঈশিংগি মখোলনিদনা ৷

হিংবা লোইরগা
তূমশীৎ ফাদদুনা তূমথোকই

নোংঙানবা

অমুবা অহিং
নোংগি অশাংবা মরীশিং …

অহিংনা মচু কোক্লগা
তপ্না ঊৎমান শারকই৷
অয়ূক্কি মঙালদদি
অহাম্বা ফিয়োমতমক ঙায়রম্লে নুংশিবা
অচেৎপা থাগোন্নুংদা৷

নুংশি মশক ঊদে অমম্বদা৷
ফাওবদি ফাওই
সুম চৎখিবগুম ঈ মরীক মরীক হকচাংদগি
অমম্বদা—
চৈনাগুম, তয়াং তশোইবগুম
ইহাম হামহৌবদো৷

ইহাম হাম্বা থাগোন!
নুংশিববু হূরাল্লুবগুম কনাদগি,
লৌখ্রে অমুক৷

ইনাক্তদি লৈয়ুদনা ৱা ঙাঙদ্রসু

তুমিন লাকই অচীকপদগি খোঞ্জেল ওইফাত্রিবা অমা
খোঞ্জেলগি লমদা, পুরকপগুম করিগুম্বা পাউ অমা
অচীকপদগি ৷
মখোঙ থাংদুনা চৎপা অচীকপনা অচীকপদা
মখোঙ লৈমায় তাদ্রিবা
থোৎপা, নৌবা, লৈতবগুম্না তনৌবা অঙাং৷
অচীকপা ৷

তহা তহাই খোঞ্জেল খরদি
কৌরবগুম মমানা চৎখিনু য়াদনা লাকপা শান্নফমদগি ৷

অচীকপগি ফক্লাংদা নাকোঙ থমদুনা ৷
মখোল থোকপা লেপখ্রবা খোঞ্জেল, মদুনা লেঙবা খোৎপা নুংশীৎতা
কনাগিদমকশু নত্তনা৷ মশাগি৷ মহৌশাগি ৷

নুংশিবা খোঞ্জেল, নুংশিবা ঈশৈ
মখোঙ থাংদুনা চঙখি অচীকপদা
শুমখি অচীকপনা নিংথমগি অরুম্বা ফৈজূপ য়োম,
ঙংদুবীদুনা ঈশৈ নঙ ঐনা তাদবা ৷
খঙবিদ, করিশু থোক্নদবগুম ঐখোয়গা ৷

কাউনখ্রবা চান্নবশিং

নীংশিংবদগি খরা চৎলগা লৈবা য়ূম ৷

নুংশীৎনা তপ্না নোম্লুবদা
চ্রিং চ্রিং তপ্না খীংলকই
মাঙ্গোলদা য়ানবা ৱিন্দ চাইম
নীংশিংবনা অচীকপদা পোক্লিবগুম ৷

অদো ঊনানা তপ্না কেনশিনবদা
নোংলৈনা ঈপাক নৈরগুম
য়ূমগি মমি কয়াা মচোই মচোই গ্লাসকুম
মখোল থোকতনা ৷
অদৈদি নাপু মচুগি ঊনা ৷

নাপু মচুগি ঊনা ৷

কুইনা লংথোক্লবা রেল লম্বীদা
রেলগারী অমা চেনখি লমহাঙ লমজাউ ফাওনা
মাগি অমুবা তুরিনা
কোইয়েক য়েকশিন্দুনা ঊৎমান মচুগি অতিয়াদা ৷
লম্বী কাউরব্রা অথৌবদো?
লাঙবদি উদে অতোংবা কনাশু,
অচীকপতনিদনা অরাপ্পদগিদি
লানশু, শিবশু, কপ্পশু ৷

শকখঙদবা নুংশীৎ ৷
অরাপ্পদগি লাকপা পাউ
ঊফুল ৱাইফুল ইতৈ তৈ
ইৱাউ ৱাউনা থুংলৈ ৷
কনাশু খঙদে কনাগি পাউনো ৷

মথৌ লোইরবা রেলগারী
অরোইবা খাম্ফমদা মশা অসুম ঈংথরকই ৷

অহিংনা হৌবা লেপখিবা

য়ূমদোম্পোক ৷

অরাপ্পদা
পুুুুন্সিনা মখোল থোকতনা লেঙ ওৎলী
ত্রাফিক্কি কার মরী মরীগুম অরাপ্পদা
তহাবা হায়খৈ লৌথোকখ্রবা
পুুুন্সি ৱারীগুুুম শকখঙদবগি ৷

মতোন্দা অমম্বা কা ৷
নুুংদাংদদি অতিয়াদা য়ানবা য়ূমগুম
মনুংদু ইঙান ঙাল্লী ৷

হনুবী৷
নাইতোম্লবী ৷

ইতৎ তত্তনা
চিথীশিংনা পাইথোরকই
অমম্বা কাগি থোঙনাউদগি
অঙৌবা খুনুগুম ৷

কদায় কদায়দনো পাইখি ৷

কনা কনাদা থারিবা পাউনো?
করি হায়রিবনো অচীকপদগি?

খুনুদি অমত্তসু হল্লকতে
নুংথিলদসু,
নুংদাংদসু ৷
অঙৌবা খুনু ৷

নোংমদি অহিংনা মম্বদা
কা অসিসু য়াওখি ৷

Tangle in the Shade

Back from a Funeral

থৱায় ৱাবা মরক্তা পূক্নীং লুমবা

অহিং৷
মপান্দা অকিবা নোংলৈ নুংশীৎ৷
মনুংসিদদি
লূূূম্না নিনবা খরদমক মরোলদি খঙদনা
য়ূম্লোননবনা খৎনবগুুুম
অঙাংনা ঙক্না কিনা তাবদু না থাঙ্গৎতুনা৷

অরাপপদগি লাকপা মরী থোক্নদবগি অৱাবা পাউ
কদায়দগিনো লীৎশিল্লক শোননা নোম্লৈ
অপাবা য়ুুুখল অঙৌবা থোঙনাউদা, ফক্লাংদা, লময়ায়দা
তপ্না ইমুংগি মম্লিবা অচীকপদা৷
করিশু থোক্তে ইমুুংসিদদি৷
অমম্বা অমসুং অচীকপদা লৈরৈ
লৈবগুম লৈতবগুুম, লেঙবগুম লেঙদবগুম
খোঙগুল তাদবা করিনো খঙদবা অমা
লম্মাঙনরবা হৌদোঙ মচাগুম৷

ফি থোংদবা হনুবা
কোনশিন্দুনা তূমই মমাগি পূক্নুংদগুম
য়ূমগি মনুুংদা
অমম্বদা৷