অচাইবা পুন্সি চেঙজেল

য়েংউনে থোইবী, চৈনানা নাদুনা অদুম কপ্লিঙৈ নঙনা
লোইখ্রনিদো খোয়থুম্ন চৈনাসে নুংশিবা ইচা পোকপগিগুম ঐখোয়নীগি
খকখ্রনিদো অশুক ফজবা ঈসে নঙগি, ঙাঙশং ঙাংবা, নুংশি থাগোনগুম ফোংফোং শাবা।
য়েংউনে য়ূমজাওসে ফংজরগা ঐখোয়না কা কয়াদি থোঙ লোন্দুনা থম্লিবা
মথি ফোংবগুম, তম্নবগুম য়োৎপী য়ৈশিন্দুনা, শো লোনশিন্দুনা!
চৎশি লাওনে, হাংলুশি থোংশিংসে, চঙলুশি কাশিংদুদা
য়েংলুশি তম্নরাইশিংদুনা কির লিলা উৎকদৌরিবা অকি অখংগি,
কিরুসি অকিবা ওইরগনা, লাওরুশি চৈনারক্তা চৈনাপীবা ওইরগনা নাদুনা,
কোইচেন চেল্লুশি কোয়তান তানবগি ওইরগনা কানুংশিংদুদা
কা অমদগি অমা ফাওদুনা, য়ূমথক য়ূমখা থুংনা, য়ূমজাউসে নীকহন্দুনা
খেক লাউ খোংদুনা, পাখৎলবা অঙাংগুম নত্রগা মথুম মরাঙল অঙাংগুম।
করিগিনো খঙদে খাক্লিসিবো ঐখোয়না তল মচেৎকুম পুন্সিবু
ফকখাদা মচেৎ অমা, ইদ্রবা দাইরীদা মচেৎ অমা চপ, পীদ্রবা চিঠিগুম মচেৎ অমা ফুরীৎখাওদা
নূপীনা লুহোঙবদা পুনবা মপোৎ শেম শাবগুম, নত্রগা খাক্লিবগুম পুন্সি মচেৎ মচেৎ
শির মতুংগিনি হায়না থায়না নিংথৌ ফুম্বদা পুন্সিগি চেঙজেল হাপ্পগুম
মনাই মশল হাপ্পগুম।
অদো মখোয়না খঙদবগিনি, য়েংউ নিংথৌরেলশিংগি হিংহৌদ্রবা পুন্সি চেঙজেল মরূশিংনা
থায়নগি মোংফমশিংদা চাইরিবসে, মশাগি অমদি মনাইশিং শরূ শয়াঙ মরক্তা,
য়েংউ, চাইদুনা তারিবা মিংনাইদবা চেঙ মরুশিংসে লমহাঙ লমজাওদা
তুমিন্না কপ লাওরিবসে তাইবঙনা তানিঙাইগুম, তম্নবগুম
পুন্সি চেঙজেল নিরিবগুম, পুন্সিবু কোন ফেঙবগুম শীৎ লংনা হিংউ পাউতাক্লিবগুম।
লাক্লো চৎসি পুন্সিগি কোঙ্গোলশিংসে মেল্লুশি পিক থন্না
থৱায়শু লৌবা পীশু পীবা ঈশিংনা। করিবু কিরুগদগে ঈদা য়াওবসিবো?

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s